「Navi」從希伯來閑話來,伊隻詞是「先知」个意思。
כִּכְתָבָהּ וְכִלְשׁוֹנָהּ ... מְדַבֵּר כִּלְשׁוֹן עַמּוֹ
照各人自家个文字,講各人自家屋裏向个閑話。
以斯帖記 1:22 / 8:9
詞庫兼容吳語學堂拼音、吳語協會式搭錢乃榮方案。輸入弗分聲調,入聲韻尾好跟牢方案,也好自家揀歡喜个,外加有擦音簡打搭錢拼容錯。
默認弗分尖團,用新派口音;中派口音、老派分韻,還有蘇州、寧波口音容錯,到設定裏向開關就好。虛詞寫法有通用吳語、上海話大詞典、傳教士三套預設,也好逐隻字自家揀。
開啟後好直接打普通閑話全拼,候選會畀儂上海話講法;候選欄上頭也會提示更地道个上海閑話講法。打字記憶會記牢儂揀過个詞搭自組詞。
鍵盤裏向好直接查詞典、翻顏文字、鉚牢剪貼簿常用句子,iPad 全寬鍵盤下滑好直接打數字搭標點。App 裏向還好按需下載專業領域詞庫包,外加換弗同風格个鍵盤皮膚。